“我在意·譚詠麟‘刻骨銘心’時光展”

9月10日去咗中環參觀一個名為“我在意·譚詠麟‘刻骨銘心’時光展”，由譚詠麟學堂主辦，免費展出佢哋嘅私藏珍品，展覽場地面積比我預期中大，場內展品擺設，一睇就知道班粉絲好有心思，整得好靚，而且好專業。

仲有扭蛋機，俾入埸人士扭，扭到有精美禮品一份，在場亦見到參加過中年好聲音嘅「港版里安納度」，亦試著當年左麟右李演唱會李克勤著過嘅紅色毛褸嚟影相留念。

我亦有俾咗我自己收藏嘅珍品相片及我讀書時期畫嘅 Alan素描圖，俾個工作人員睇，睇下我以前有幾癲😂。

當日仲俾我遇到（資深唱片評論人）黃國恩 Ivan ，好開心同佢傾咗一陣，但又好可惜我抽唔到時間去聽佢13號嘅【譚詠麟的音樂巔峰分享會】，唯有過後再上網睇返。