磁力蚊網

踏入三月，天氣開始回暖，蚊蟲亦開始出動嘅時候，再加上樓下嘅住客近年將佢個平台搞到好似個小花園，種植咗好多好多大大細細嘅盆栽，又有養咗幾條鯉魚嘅魚池，每當黃昏嘅時候，都睇到佢攞住支電蚊拍，電死好多飛緊嘅蚊蟲，攪到我都要係鋁窗度加蚊網。

三年前大裝修時，因為無咁多蚊，所以當時換新窗時亦無做埋蚊網。但今年三月就已經開始好多蚊飛入屋。睇咗好多有關加蚊網嘅方法後，最後都係揀咗加磁力蚊網，因為安裝方便，而且比較美觀。

而我上過淘寶網睇過，又去過旺角間『麥氏磁力蚊網』分店睇過實物。

(以上這張係我問麥氏可否上去睇樣本時，佢哋俾我嘅圖片，清楚指出位置。)

最後都係揀咗後者，原本想即場落單，點知個女職員非常穩陣，建議我回家後，再量度清楚，因為佢強調不要只跟網上所教嘅方法去度，仲要度埋側邊有幾多吉位。

然後俾咗張報價表及訂購表格俾我，叫我如果要嘅話，可以打去西貢落單，臨走前我攞咗個膠框碎返去對比下個鋁窗框嘅顏色及尺寸。

第二朝就打去搵鄺小姐落單，程序非常簡單，不用email或 fax表格，佢只係要我照上網嘅量度方法嘅尺寸，然後上下左右各加半寸，再對價目表上嘅尺寸嚟收費，之後去指定銀行入咗一半訂金後，影返張過數紙，再用WhatsApp傳俾佢睇，大約7至12日就可以取貨。

不過因為我假期關係，需要佢哋於指定日子做好，最後亦好開心，於指定日期收到來電，通知可以取貨。

攞到返屋企後，第一時間，即刻拆開膠袋，開始安裝，膠框後面有幾個貼紙，對啱位置，貼上去就可以了，真係方便到無法形容，最開心係屋企人都可以開窗瞓覺，唔使擔心俾蚊針。

總結：雖然價錢會比淘寶網嘅貴少少，不過都係好值得，最主要好啱要返工繁忙嘅我，收貨後又唔需要慢慢安裝，一貼上去就攪掂，整個過程都唔需要師傅上門度尺及安裝，自己做哂，感覺好有滿足感，哈哈哈哈，其實真係好容易，又方便，一個字形容『正』！