花卉展覽2015

一年一度嘅花卉展又開始咗啦, 真係估唔到第一日星期五一早就已經有咁多人入咗場,

後來得知原來當日有賽馬會繪畫比賽, 學生人數合共超過2000人,

見到成班學生們全部都好認真地畫, 仲畫得好靚...(搞到我都好想坐低跟佢哋學畫畫),

場內除咗學生多之外, 最多嘅一定係...攝影愛好者, 人數真係一年多過一年...個個都好有耐性地坐定係度等光源, 影靚相...

而我就周圍走周圍影...雖然影得唔靚, 不過都影得好開心, 影到自己都唔捨得走...

 

 

總結: 每次行完花卉展, 都覺得要返去執吓衣櫃, 因為見到啲花嘅顏色咁靚, 代表春天已經來臨, 冬天嘅黑黑沉沉嘅厚褸已經可以正式收起!
哈哈~人都好似無咁懶, 好似已經過咗冬眠時間咁...