入電視城睇中年好聲音2

2月3日我、媽和妹，一齊去將軍澳電視廣播城錄影廠睇中年好聲音。

第一次去將軍澳港鐵站A2出口右轉嘅巴士站等專車入電視城，我哋3人12點45分去到已經見到好多好多人排緊隊。

當架專車嚟到時候，原來因保險原因，只設坐位，不可以企人，所以第一架車好快就滿座了，而我哋唯有坐下一架專車。

當去到電視城，觀眾席已坐滿8至9成，所以我哋3人唯有分開兩邊坐喇。而我哋亦係當時先知原來係十強爭入九強。亦已於3月3日晚終於播咗出街，所以我亦可以公開講當日嘅情況喇。

當日有中年好聲音2 x 聲夢學員合唱。《圖片來自TVB網絡》

1）顏米羔 + 彭家賢 《红色跑車》88分

2）黃劍文 + 金永衡 《我真的受傷了》85分

3）林若盈 + 趙小婷 《一加一》80分

4）陳俞霏 + XIX 《全身暑假》87分

5）安雅希 + 黃洛妍 《我不難過》92分 

6）沈宗賢 + 趙紫諾 《一眼瞬間》89分

7）譚輝智 + 趙頌宜 《咁愛敢做》87分

8）劉威煌 + 劉詠彤 《我們的愛》86分

10）陳蒨葶 + 文凱婷 《灰色》84分

9）古淖文 + 冼靖峰 《祝君好》91分

現場一次過睇哂十強參賽者嘅表現，真係覺得好多個都唱得好好，而幫幫唱嘅聲夢成員，唱功亦進步咗好多，跳舞都跳得好放好自然。

其中一個，當車婉婉講佢個名Janees 嘅時候，在場觀眾好多都「嘩」一聲，即係大家聽到佢名，都知佢係唱得之人，而我睇完佢唱，更加覺得佢犀利，好靚聲，勁有穿透力！👍👍👍

另一個令我覺得犀利嘅人，就係主持人車婉婉，真係估唔到佢口才咁叻，令到成個節目錄影都好順暢，又識得搞氣氛，最勁係幫趙紫諾 Sabrina 翻譯嘅果段，真係大家都拍哂手掌！

成個節目錄影得好緊湊，好有水準，現場睇就好似睇足本咁，正！

仲有現場睇到嘅評判比嘅評語，多過播出嚟嘅好多，特別係伍仲衡，講國語嘅時候真係超好笑。

而以下兩張相，張佳添後面嘅觀眾席上有我媽及妹😁😁，

下面呢張有我，所以點都截圖留念😂。

最後，真係好多謝送入場劵俾我嘅果位朋友，如果唔係佢，我諗我一定無機會入到電視城睇中年好聲音！🙏🙏😁