2026 維園秋綵燈會

今年由銅鑼灣行去維園嘅人群真係比過往幾年多好多，如果只係去足球場睇綵燈，就唔需要排隊。不過如果想睇『世界綵燈大街』，就真係要排至少30至45分鐘先入到去。

入到去就會見到裡面有好多唔同國家嘅節慶綵燈掛係兩旁，入到去嘅人，個個都用手機或相機影相，一路行一路影，行到出去，就冇得行返轉頭，如果想再入去，就要重新排過隊。

而位於公園山丘涼亭，亦做咗『香港綵燈庭』。

而維園一號足球場，依舊有大型主題綵燈，今年有『樹影流光』，而噴水池廣場亦有『魚躍龍門』。

仲有港式美食，包括：港式奶茶、魚蛋、蛋撻、雲吞麵、點心、檸茶、熊貓、馬、兔夠一個『心語寄月 綵燈映照』，由學生及殘疾人士創作，

而我係大約下晝5點半，就已經去到維園嘅足球場行咗一個圈，亦影咗未著燈嘅情況。

估唔到未著燈，就已經係有好多人係度影相，猜燈迷。

仲可以排隊等攞機械人整嘅漆扇（免費），最後亦有去到維園模型船池睇『荷塘月色』。

總結：今次維園嘅綵燈展出日期亦延長至10月4日，對好多人嚟講都係好消息，可以等中秋過後，都仲有得睇。

最後祝大家都有個愉快嘅中秋節！