廉政公署展覽廳-香港反貪故事

2026年1月，我和媽媽行東岸板道時，專登由其中一個出入口，行去廉政公署展覽廳參觀。

一入廉署大樓地下，就會見到「一九七四」咖啡廳，可以睇到好多印上廉政公署 ICAC 嘅咖啡杯，亦會見到好多人專程嚟飲廉署咖啡及打卡。

然後排隊乘搭電梯時，職員會派發俾參觀者一個訪客證，帶上訪客證就可以進入廉署展覽廳參觀。

展覽廳面積唔算好大，一入去就會見到好多唔同年代嘅反貪海報。

場內展出咗以前有幾單勁大嘅貪污案珍品，有「葛柏案」、「佳寧案」、「探長貪污案」及「洲圓角短樁案」，個人覺得當時嘅反貪污工作一定比現時更加難做，所以睇咗就更加覺得廉署人員好犀利。

場內仲有《廉政行動》珍藏 VCD、VHS錄影帶及菲林。

有一個模擬列隊認人室及三角枱。

最後仲有廉政公署標誌嘅打卡位，見到好多人打卡，最後我媽都幫我影咗張相（哈哈，我又用 AI 轉咗另一風格 ）。

於2月尾得知廉署有個新年特備節目，免費送限量版「ICAC 迷你咖啡杯」， 而身為 ICAC 迷嘅我，再去多次廉署，攞返杯仔返去留念。

總結：參觀費用全免，無需預約，真係簡單方便，如果有興趣參觀嘅，建議上廉署網站睇咗開放時間先去，因為唔係全日開放。