東岸板道

2025年3月我和媽經過北角碼頭附近，見到好大霧，就忍唔住沿住海旁一路行，點知就行到東岸板道，見到好多人都企係度用手機影緊相，而我亦唔例外。

當時東岸板道都未完全開通哂，但係都已經係覺得好靚，真係無諗到東區走廊嘅橋底可以整到咁靚，有櫈、有枱、有洗手間，落雨都唔怕，都可以坐係度欣賞維港景色，仲可以行到炮台山東岸公園。

真係羨慕住係附近嘅居民，又多咗一個咁好嘅休憩空間，可以跑步、散步... 等等。

2026年1月，又同媽媽由北角嘅東岸板道開始行，今次向東行，沿途可以欣賞對岸啟德發展區及獅子山。

行行下見到玻璃觀景台入口，於是我哋都行過去套上由場地提供嘅鞋套，體驗下踩住玻璃面，望落腳底下面嘅海，感覺好得意，一啲都唔驚，略嫌玻璃通道太短，如果長啲就更加好啦。

在場有幾位工作人員睇住，當離開玻璃通道，所除落嚟嘅鞋套放入箱內後，坐係度嘅職員就會攞啲用過嘅鞋套即時進行清潔，循環再用，全程免費。

總結：北角至鰂魚涌呢段東岸板道，設計都好靚，東區走廊橋底嘅位置，完全唔怕日曬雨淋，又有幾個出入口，步行去港鐵站都只係幾分鐘，真係非常方便。