新光戲院

 

（2025年3月2日）

眨下眼又過咗十三年，原本係2012年嘅2月19日謝幕嘅新光戲院，最終於2025年3月3日晚上11點半正式結業。

而我錯過咗兩次嘅新光戲院開放日，所以係結業前一日專程搭車過去睇，一出地鐵站就見到有好多人企係度影相及畫畫作留念。

戲院內依然保留咗部舊式磅重機，不過已經壞咗，用唔到啦。

到場影相留念嘅人都好多，所以今次都好容易上網睇到好多攝影愛好者影嘅靚相及短片。

3月3日晚我就係 YouTube 度睇到好多嘅 KOL 開 Live 報道新光戲院告別儀式，見到越夜越多人，好多都等到新光戲院落閘熄燈後至離開。

總結：我個人就唔識聽粵劇，不過我經過劇曲中心，就覺得整個環境都比新光戲院靚好多，而且劇曲中心嘅地利優勢，可以吸引到更加多嘅外國遊客認識粵劇文化。