緬甸5天遊

經濟唔好，公司要我哋清大假，咁啱見到有緬甸5天團，而且仲己經成咗團，於是就上網報名啦。

出發前買定張sim 卡，睇埋天氣預告，帶足防曬用具。電插頭因同香港一樣，所以唔需要帶轉頭。

11月25日（第一天）

大約十點坐地鐵去中環再轉乘機鐵去機場，11點就已經到咗機場，然後11：30見到領隊，交咗證件後，於12點正式辦理行李自助寄艙服務後，就入PLAZA PREMIUM LOUNGE 食碗魚蛋河先，然後坐14：25 KA 254 去仰光。

 大約三個鐘就到仰光，不過因有時差慢香港1.5小時，所以去到嘅當地嘅時間係16：20。落地攞完行李後，於機場以美金換緬甸貨幣，用$100換到150800緬甸貨幣。

第一個行程係去唐人街，然後食晚餐，

之後就去Chatrium Hotel，較遠離市中心，之前奧巴馬都係指定住呢間嘅酒店。

領隊派完匙卡後，大家都上房沖涼休息啦，因為第二朝要好早起身，帶一晚所需用品，準備明天上大金山。

11月26日（第二天）

於酒店食完自助早餐後，大家上旅遊巴時，導遊每人送上手機布袋仔一個，作為歡迎大家到緬甸嘅紀念品。

行程去睇四面佛塔，然後去佳克溫佛經教育廟，每朝早上都聚集眾多佛徒係廟內化緣，送上餅乾糖果或錢等都可以。

大家企係度觀看百多位和尚列隊進入飯堂，並於十點半鳴鐘後吃午飯。

之後我哋亦都坐車去食午餐，繼而坐旅遊巴去吉諦（約2小時），轉乘獨立包車前往大金石，車程35分鐘，真係刺激到無法形容。

 上到山後先去Mountain Top Hotel 擺低行李，

然後大家帶上紙嘅入場證，跟住導遊行上山去睇大金石，途中見到尼姑，

去到大金石附近，見到好多遊客，大家都等睇日落，亦見到好多外國攝影愛好者影緊相。

之後各自活動，於6：30行去餐廳食晚餐，食食下突然間停電，原來大金石山上係經常停電，不過每次都只係停一兩分鐘。

食飽行咗一陣後，就返酒店休息啦，房間無冷氣，純天然風，勁舒服，好好瞓。

11月27日（第三天)

朝早5點半起咗身，見到窗口有少少紅色嘅光，打開窗睇，好正，空氣極清新，估唔到間房仲可以睇到日出，嘩！超值！仲睇到酒店原來將洗好嘅被單掛係度曬太陽，真係夠環保，天然陽光殺菌，正！

 食完酒店早餐後，行出去睇下外面嘅情況，估唔到一早就咁熱鬧。

後來退房坐車落山，又見到好多人等車，真係好特別，從未見過企上去排隊，然後擁入去坐車嘅情景，所以點都影多兩張相先。

落山後，導遊增加一個境點俾大家去睇下一個巨佛，不過仍在維修中，都可以睇到整好咗嘅一大部份。因為要行樓梯上去，加上烈日當空，我哋成團只有三個行到上去影相。

之後坐車去食午餐，因時間尚早，大家都係餐廳內行下睇下影下相。

食午餐後，坐車去參觀臥佛，見到出面有好多鴿，

影相後，大家再坐車去勃固皇宮，參觀完，途中於車上睇到火車軌，以及另一個景點，不過大家都無落車睇嘅南洋月桂樹戰爭紀念碑。

食完晚餐後，返酒店攞房，休息。

 11月28日（第四天）

食完酒店自助早餐後，出發去參觀另一個大臥佛，

然後去國家博物館，之後去Karaweik palace 食傳統緬甸風味餐。

 然後去玉石市場及對面個Junction City Shopping Mall，大家都係商場內間market place買手信。

 之後去飲奶茶及食雞蛋餅。然後行去坐旅巴見到嘅英式建築物，影一張相後。

隨即坐車去大金塔，大金塔真係唔夠時間行，大金塔有4座中塔，64座小塔，被稱為“東南亞三大古蹟”。

 

之後坐車返酒店附近食晚餐後，返酒店休息。

11月29日（第五天）

早餐酒店自助餐後，坐車遊市中心公園，睇獨立紀念碑及殖民地建築物，

然後再去總理府、昂山素姬於仰光被軟禁嘅住所，

然後再去遊昂山公園、參觀聖瑪利亞天主教堂，最後仲去埋昂山將軍嘅舊住所參觀，

然後去食緬甸餐，個甜品好似糖丸，自費無糖可樂。

至後就坐旅遊巴去機場，坐KA275 飛到香港係夜晚十點鐘，攞埋行李，即刻走去坐機鐵，再轉地鐵，好彩港鐵收11：30，所以至可以咁順利坐到地鐵返到港島東。

總結： 好開心，團友全部都好準時，又有禮貌，講嘢又唔會好噪，大家上車都瞓覺，領隊有好有禮及好笑容，導遊又好細心，行程安排得好好，呢次係暫時最多笑聲及掌聲嘅旅遊團，大家都玩得好開心，而且日日都藍天與白雲，今次全部嘅相都係用華為P30 pro影嘅，真係方便好多。