筲箕灣譚公誕巡遊2023

雖然今年佛誕當日放唔到假，不過點到抽時間走去筲箕灣東大街，睇下闊別咗3年嘅「筲箕灣譚公誕巡遊」，感受下熱鬧嘅氣氛。

去到電車總站附近，已經見到好多獅隊，途經東大街兩旁都見到有好多市民圍觀及影相。

經過天后廟，見到好多善信於廟宇外浴佛。

仲見到陳山聰，佢上咗姜氏獅隊上打鼓，而佢個仔就坐係BB車拍銅鈸。

然後跟住巡遊隊伍去到譚公廟，見到好多善信入廟參拜，而側邊嘅東區文化廣場亦有祭祀祈福儀式。

總結：今年舉辦嘅譚公誕巡遊，多咗好多年青人及小朋友負責打鑼鼓，除咗鑼鼓聲，就係聽到好多人嘅開心笑聲。