銅鑼灣 CEO 唱K

銅鑼灣 CEO完成翻新後，一直都未去過嘅我，終於趁呢個炎熱嘅初夏，約咗個朋友一齊去唱K及食lunch。

當入房後，第一件事就係房嘅溫度，而呢間CEO最值得讚嘅就係冷氣及燈光制，真係可以調校到間房嘅冷氣，仲可以控制房間天花板嘅不同燈光模式，好過灣仔 CEO嘅冷氣系統好多好多。

而每間房都有一部iPad，除咗用嚟點歌，仲可以用嚟控制燈光，真係非常方便。

至於啲咪及音響都比以前好咗，職員嘅服務態度亦好好，房間亦夠大及乾淨，唯一最失望就係竟然無得調校升降key功能。

至於午餐，我食嘅鮮腐竹北菇扒時蔬實在煮得太鹹，而朋友食嘅芝士鮮茄焗豬扒飯，味道都唔錯。

兩人唱足五個鐘，每人包一份午餐及一杯飲品(另加一)，埋單收費總共$240。