前日行太古城見到有好多好靚嘅手繪大象雕塑,後來才知道係宣揚保育嘅展覽,而今次個展覽都幾特別,分別於太古城(大約40件)、太古廣場(約40件)及東薈城(約20件),另有幾件大象雕塑分別於太古酒店旗下的奕居及香港東隅同期進行,直至下個月9日,以藝術形式宣傳亞洲象群嘅保肓資訊!
暫時我只係睇過太古城嘅大象展覽, 真係有好多好特別嘅繪圖, 非常有創意!
其中一個大象雕塑, 竟然畫上李小龍嘅造型, 真係好搞笑!
哈哈~好多人都好似我咁, 攞住部手機影大象...
除咗約五尺高嘅大象雕塑之外, 太古城二期溜冰場下層, 仲有一個開放流動商店, 售賣迷你版的大象雕塑, 造型非常可愛!
旁邊仲有展出1700多件小象雕塑, 係由協康會兒童親自創作繪畫而成, 希望大家行太古城嘅時候可以去睇吓, 更加希望透過這個展覽, 可以有更多人認識及接納有發展障礙嘅小朋友!
今次展覽結束後, 於9月11日約20件大象將會送去慈善拍賣, 收益將撥捐國際慈善組織亞洲大象基金會,支持保育瀕危亞州象群的教育計劃, 部份收益聽聞亦會捐贈給協康會, 幫助更多有特殊需要嘅小朋友發揮其潛能及愉快健康成長!
(如果行去太古城, 不防可以行去一期旁邊嘅香港東隅,睇埋以下三件大象雕塑.)
沒有留言:
發佈留言