馬來西亞5天渡假團

 

9月15日一團19人(其中一位係BB仔...) 大家乘坐國泰飛往吉隆坡, 然後再坐42座位嘅旅遊車前往(著名渡假勝地) 狄臣港, 入住兩晚狄臣港遊艇俱樂部...

今次係我...第二次去馬來西亞旅遊, 主要係帶我媽媽去玩吓...所以我揀咗跟團, 比較方便...而且係一個超輕鬆完全渡假 feel 嘅5天團.

早上可以游水後...返入房沖個涼...再行去食早餐...散吓步...等到十點幾才出發...超輕鬆...

自費坐船遊馬六甲古城...途中竟然見到一條四腳蛇在河邊游來游去...

不久又見到另一條四腳蛇...好舒服地躺在樹上...

遊完古城...步行古董文化街...如果冇晒馬來西亞錢, 可以在街邊嘅找換店兌換, 比起當地機場及導遊嘅滙率更加好...而我貪方便一早已於香港中環百年換咗...所以冇法再享用此優惠囉...哈哈~好彩我在香港個滙率都高過機場及導遊...

雞蛋冰, 有好多生果味...

古董文化街近荷蘭紅屋嘅角位, 有好多好多人唔怕曬...企咗係街度等候食海南雞飯...我估應該好好食...

企上同一個位置影相...不過今次係用單反, 而唔係用菲林相機...可惜...都係影得唔好...遲D得閒一定要再報讀攝影技巧班!

於荷蘭紅屋及聖保羅教堂外嘅噴水池旁可以同蛇/  變色龍影相, 只需RM10 (10元馬來西亞錢).

估唔到蝴蝶公園...好少蝴蝶, 但就有好多爬蟲類嘅動物...哈哈~

五點幾返酒店休息...

趁黃昏行出去沙灘睇日落...

黃昏七點左右係日落最靚嘅時候...可惜我哋要坐車出去食飯...

晚晚十一點上床瞓覺...六點半起身...沖涼洗頭...

食完早餐...行吓酒店...影吓相...勁寫意...哈哈~

軍事博物館...

皇宮外觀...

參觀英雄紀念碑

遠睇首相府...之後返去金馬皇宮度假酒店休息...待七點再出市區食晚飯...

妹妹又係一早落去游水...之後三母女再一齊去食早餐...

12點落大雨...一直到下午3點左右, 參觀錫器城後...終於停雨...須道去參觀黑風洞, 唔知點解...雖然我已經係第二次到達黑風洞, 但心情依然好興奮...最開心係我妹妹, 佢都可以上到山頂, 對於一個肥妹來說, 要完成全長近300級樓梯...真係一件難事...

上到頂仲有一段路行...到盡頭向上望, 可以望到個天...行行吓...竟然有一隻蝙蝠屍體由高處跌落嚟...幸好無跌落人度...否則個人一定被嚇死, 因為屍體上全是屍蟲...超嘔心!!!

坐單軌車遊吉隆坡市...

黃昏返酒店收拾行李...因為行李實在太重, 唯有以最快時速...睇哂幾本雜誌...然後棄置於酒店房...而這兩本書都是在機場內之page one 以DBS AE 咭免費換取嘅...仲係最新一期...哈哈~

最後一日去到雙子塔, 竟然又係落雨...唯有入商場行吓...好彩最後都等到停雨...即刻走出去影相...再走返去商場最低一層嘅洗手間搵我媽及妹, 叫佢哋怏D出去影相...
馬來西亞大部份洗手間都要俾RM 3角錢, 才可進入...而雙子塔(雙峄塔購物場) G/F 即名店LV 旁之洗手間竟然要收RM 2 (大約HK$ 5.5), 而唯一一個免費洗手間就位於下一層...真係唔講都唔知...哈哈~

途經數碼港...

再去機場...

再踏入第一日去到嘅機埸...不過今次係等坐機回港...

五天渡假團...話咁快就完滿結束...