黃鴨訪港2023

最近一年，工作真係忙咗好多，不過幾忙，都會盡量抽時間去趁下熱鬧。而我於6月12日放假，叫咗媽咪陪我去添馬公園睇大黃鴨。

我哋搭地鐵去到金鐘站，見到E出口有好多黃鴨嘅貼紙，仲有一個半圓玻璃天幕，經過嘅人都會忍唔住攞手機影相打卡。

當行到去添馬公園，遠遠已經見到兩隻大黃鴨嘅頭，雖然天氣唔算好，不過都見到有好多人企咗係圍欄度圍觀，甚至有個位置，因太多人，而需要排隊先可以行近欣賞及影相。

欣賞完兩隻黃鴨後，我和媽就離開公園，向地鐵站方向前進，沿途經過政府總部，見到啲人好開心地影相，亦有人排隊入去攞訂購咗嘅Double Ducks 限量紀念品。

總結：今次嘅《橡皮鴨二重暢》整個活動策劃，個人覺得有關團體，所有嘢都安排得好好，只係天氣問題，展期短咗少少。