張敬軒與王菀之 [The Magical Teeter Totter 2017] 演唱會

2月16日朋友請我睇張敬軒與王菀之 [The Magical Teeter Totter 2017] 第一場嘅演唱會，

好耐無用相機影相嘅我，趁呢個機會帶部Canon 600D 及小小白70-200 mm f/4 IS 去影下相，因為至從上年開始，除咗攝影馬拉松有用過部相機外，因為玫瑰痤瘡，所有戶外活動全部都無參與過，而今次肯去睇演唱會最主要都係因為朋友有飛，而我又未聽過佢哋二人同台合唱，所以就答應去睇。

估唔到佢哋兩個真係好夾，除咗唱歌仲識得講笑話，第一場整體流程都好順暢，

而張敬軒亦親自講佢係“歌手”節目中準備咗唱嘅廣東歌，“櫻花樹下”及佢嘅偶像陳百強首大家都認識嘅歌“等”，兩首歌都一次過係今次演唱會唱俾觀眾聽，算係了咗佢個心願。 

演唱會嘅服裝都好襯佢哋兩個，特別係當佢哋兩個係 [友誼的小船 ]嘅純真感覺，亦係成晚張敬軒笑得最開心最自然嘅時候，而填詞及服裝功臣 Wyman 亦有同好友 Stephen 在場支持，前面一行著短袖T嘅係今次演唱會有份設計服裝嘅日本設計師，仲有紅色褸嘅蔡一傑及蔡一智兩公婆都有到場觀看。

擁抱後，第一場演唱會正式完滿結束。

總括：二人非常合拍，完全感受到佢哋嘅友情及佢哋唱live嘅功力。