Sky 100

七月中見到天際100有個俾香港人嘅暑期優惠,

只需買一張門票, 就可以於7月1日至8月31日期間無限次入場.

 暫時排世界第七高嘅商廈, 原來就係香港嘅ICC(環球貿易廣場),

而從未上過去嘅我, 當然唔會錯過這個優惠, 

仲可以感受下香港最快嘅電梯, 頂部有屏幕, 上升或下降都會顯示所需嘅時間, 

第一次去, 天氣好差, 能見度極低, 不過我都照上去, 可以睇下唔同天氣時嘅景觀.

亦可以影吓香港奇趣3D街,

最主要可以360度睇香港嘅景觀...

第二次去, 天氣好過上次, 在場亦多咗好多攝影高手, 雖然我無帶相機, 但係我都趁機會偷吓師.


而第三次係因為行街順便上去睇吓, 原來下晝大約三至四點鐘, 係最多小朋友及遊客嘅時候,





上到去仲可以即場用手機Instagram關注Sky100 & Binggrae, 分享埋一張有關嘅相片，　



就可以免費食一支Melona雪條啦！

天氣好仲可以睇到好靚嘅日落，

雖然無相機係手, 唯有用住手機Nexus 5影相,

哈哈~估唔到...我用手機都影得咁開心!　

可以企係咁高, 又有冷氣嘅地方睇香港夜景, 真係超值！　

估唔到第四次仲可以夠時間返屋企攞相機, 趕到去, 都仲可以睇到少少嘅日落, 真係好開心!