2022中秋維園花燈

（2022年9月9日）

中秋節前一日，亦即是迎月當晚，天氣唔錯，唔算太熱，亦有啲風，我帶媽去維園睇中秋綵燈展。場內最多人影嘅就係本地紮作藝術家許嘉雄打造嘅7米高嘅帆船綵燈，名為《雙星伴月慶團圓》，巨型帆船上有吉祥物「活力仔」及「思文喵」。

另外仲有好多唔同造型嘅貓狗、大型馬燈、鸚鵡雀鳥、12星座、魚、蟹、機械人及招財貓等等。

當晚越夜越多人，好多家長帶小朋友同吉祥物影相，氣氛熱鬧，聽到好多笑聲。

另外仲有一個《圓月故事》綵燈光影展，由三個球形燈籠編成，每個球體代表一幅畫，化成三維空間，感覺幾靚。

而呢個位置算係最多年青人喜愛擺pose影相嘅位置，如果大家有興趣影相嘅話，留意展期由2022年9月7日至9月25日（三至日），亮燈時間：6：30pm - 11pm。