高鐵香港西九龍站開放日

今日9月1號我和家人去參觀高鐵西九龍站，朝早10：30就去到柯士甸站，

  
估唔到仲要跟住條好長好長嘅龍尾慢慢行，差唔多成40分鐘，

才終於去到西九站B1售票大堂參觀，

可以排隊跟導賞團一遊，聽下職員講解站內設施及售票機操作等。

場內有蒸餾水供應，雖然其中一個位置有提供紙杯，不過最好都係自備水樽(環保)。

場內有好幾個遊戲攤位，每個遊戲用一張遊戲劵玩一次，

玩完有一份小禮物。

行完B1可以上去G層參觀露天花園，可惜落雨，所以連導賞團亦都取消咗，唯有等9月23日正式通車後，再去欣賞。

最後離開M出口時，俾埋張禮物劵換領行李膠名牌一個，

然後沿通道行入圓方火區1樓，

正式完結今日開放日活動。

總結：今次公開參觀嘅位置，唔大範圍，亦睇唔到真嘅高鐵列車，加上又落雨天，所以奉勸如果無免費門票嘅朋友們，唔好專登用錢同人哋買啦！建議等到通車後才去睇，仲可以睇到多啲嘢。