南昌公園

3月17日下晝坐港鐵去南昌公園, 睇黃花風鈴木,

雖然係第一次去, 不過都好容易搵到, 只需坐港鐵到南昌站D1出口, 轉左手邊行, 然後再過右手邊條馬路, 好快就見到公園入口!!

入到去見到樹上嘅花都...疏疏落落, 好多都已經跌咗落地,

好彩香港人都好有創意, 將跌咗落地嘅花執起嚟影相, 

仲見到一個堆砌得好靚嘅心形圖案, 大家都忍唔住要影相留念.

除咗影花之外, 相信最多人影嘅就係這位伯伯, 佢用粉筆畫嘅畫, 真係好靚!!!!  

公園內除咗影相, 仲有好多情侶坐係度野餐及唱歌, 感覺成個公園都好乾淨好舒服, 真係好過維多利亞公園好多!!