嗇色園黃大仙祠

踏入農曆十二月，開始有好多人會去廟宇還神，而我昨日亦陪媽媽去咗嗇色園黃大仙祠，

可能係食晏時間，所以善信及遊客都比較少，

而且今次去到見到好多指示牌及工作人員在場呼籲善信只需點九支香，然後去三個位置，每個位置上三支香就夠，這個安排我個人非常欣賞，因為空氣可以好啲，仲可以環保啲。



今次我覺得點香區嘅位置比以前大咗好多，仲有免費香提供，可以慢慢揀，揀到九支一樣款，


而我就好好彩見到有一套未拆開過嘅九支香，隨即影返張相先，跟住就點香...沿住指示去三個主要位置參拜，

哈哈~第一次見到月佬及一對佳偶天成神像...

難得唔多人，而且天氣又唔差，我和媽就慢步欣賞下從心苑，苑內嘅設計有啲似北京頤和園，不過手工就真係無得同頤和園比啦…

咁難得有藍天白雲，當然要用手機影吓相啦!