澳門一天遊

9月22日早上坐10:45班船去澳門, 一落船就行去等酒店免費穿梭巴士,

前往氹仔一間舊式五星級酒店,

於酒店check in 後, 就隨即行出去食午餐, 然後再去官也街行吓...

竟然見到羅信記嘅紙牌宣傳, 哈哈~行過仲以為係真人...

行完街後, 就去新濠天地睇"水舞間", 散場後...經過賭場,

然後再經過一個會轉色嘅通道, 過對面馬路, 就已經係威尼斯人度假酒店,

再行去天橋影張銀河酒店嘅相, 然後慢步行去官也街間葡國餐廳食晚餐...之後就慢慢散步行返酒店休息.

第二朝係酒店食完早餐, 就check out 坐酒店穿梭巴士去葡京酒店,

專登買老佛爺出嘅朱古力牛角包及奶油包,

行到去議事亭前地附近就忍唔住即刻要食奶油包...嘩~估唔到...真係好好食!!

跟住沿路一路行一路影相, 好彩係閒日, 所以唔算多人.

之後就行去大三巴影相, 見到有對新人係度影婚紗相, 而我見到對新人, 兩個都係靚仔靚女, 忍唔住都走去影咗幾張相...

哈哈~然後就行去新八百伴, 樓上食完飯...就去隔離間英皇娛樂坐穿梭巴士去碼頭, 好彩時間啱啱好, 趕到上船!
一上船坐好, 唔駛五分鐘, 就已經瞓著咗, 仲瞓到落船先知醒, 可能係因為我驚暈船浪, 上船前一個鐘...食咗粒暈浪丸, 哈哈~所以就咁好瞓啦!

咁早返嚟...係因為夜晚要去Sky100 參加Canon 產品發佈會, 如果唔係...一定會玩到好夜至搭船返嚟香港...