大坑中秋舞火龍

今年中秋節嘅前後幾日, 我都要返工, 無得放假, 點知追月當晚, 竟然可以收早啲...

趕去大坑睇舞火龍, 雖然無帶相機, 唯有用部手機頂住, 影足兩個幾鐘, 好彩當晚天氣都唔錯, 無落雨, 仲可以睇到個天有小小紅.

而今年我覺得多咗好多女仔負責打鼓, 最估唔到係有蘇格蘭服飾嘅儀仗隊表演...

而我最鍾意都係睇傳統嘅舞火龍, 舞動龍身以及打龍餅...

今次睇足全程, 中段仲睇埋換香過程...

最開心係走嘅時候, 經過蓮花宮, 仲睇到個八月十六嘅大月亮!