時代廣場高達基地

時代廣場高達基地"Gundam Docks at Hong Kong"嘅展覽, 其實正式展期係7月26日至9月1日, 而心急嘅我...哈哈~7月23日就走咗去睇咗先...

     
之後8月5日晚再走去睇咗...

7米巨型RX-78-2高達, 真係好型呀! 

高達眼睛仲會發光...

而馬沙專用嘅紅彗星渣古, 眼都係會發光及左右走動架!

今次露天廣場好似變咗宇宙戰場...有高達與紅渣古對峙嘅場面...

加上露天廣場個大電視, 由7月25日起...每日6pm – 10pm, 每半小時一節, 每次四分半鐘嘅映片、聲效及燈光, 真係好似進入咗超時空咁...好正! 

而地下商場內有多個1.8米身高嘅綠色渣古立體模型, 睇落都幾震撼!

二樓大堂仲有好多高達模型...可惜當日仍未完成, 膠箱嘅膠紙都未搣走...所以影得唔清楚.

膠箱嘅膠紙搣走咗之後...真係清好多!

仲有10米長嘅機動戰士GUNDAM太空母艦 - 白色木馬號!哈哈~相信呢個暑假, 我都會經常去時代廣場...探吓高達同埋渣古!