城門水塘

7月4日下午約一點鐘左右...同幾個朋友於荃灣地鐵站轉乘82號小巴到城門水塘菠蘿壩總站, 開始我哋第一次行城門水塘之旅啦~

行行吓...就見到個指示寫住蝴蝶園...點知上到去...蝴蝶嘅數量真係好少...而且仲好細隻, 對於未影過蝴蝶嘅我, 真係覺得好難影呀!

當日天氣非常酷熱, 幸好山上樹多, 無市區咁悶熱...

因為第一次行山, 所以都唔想攜帶太多物品, 最後連腳架都無帶去...

見到城門水塘水浸白千層林...真係好靚!

行咗兩個鐘左右, 終於見到我哋最擔心會搶嘢嘅猴子...

數量都唔少架, 不過好多都係猴媽媽攬住猴BB, 而猴BB真係好得意.

最多蚊嘅地方就係猴子聚集嘅地方啦...搽咗蚊怕膏都唔掂!

行行吓...見到幾隻牛...

沿路景色怡人...

全程大約行咗五個小時, 對於平時鍾意行街嘅我嚟講, 就一D都唔辛苦.
不過下次再行山就一定要帶多幾支水...以及怕蚊叮嘅我, 最好都係著件長袖衫好D.