香港迪士尼樂園

難得放假...又有免費迪士尼樂園嘅門票(因為朋友間公司包咗Disney場, 俾員工入去輕鬆吓,除咗免費入場...仲有張Meal Coupon 及Pass, 可逗留至11點), 雖然無興趣玩入面嘅遊戲, 但都好想入去影吓相...

 可惜陰天, 仲要又大風又凍...唉~總之無藍天白雲嘅迪士尼樂園, 感覺勁似失樂園...

入面最開心嘅當然係D小朋友啦...

行行吓...都開始覺得肚餓, 想食碗熱嘢...
因有兩張Meal Coupon 可以去指定嘅餐廳免費攞一份套餐及一支嘢飲...其實幾間餐廳無論價錢及選擇都差唔多, 最後我哋去咗間食東南亞米線嘅餐廳, 而我就要咗個炸雞米線套餐(如果要俾錢都要成$100, 真係太貴啦!), 而朋友就叫咗個喇沙米線.

可能係肚餓...所以覺得幾好食, 不過略厭細碗咗D...

大約7:45行到去睇煙花嘅地方, 搵定個位置後, 即開腳架, 準備測光...

點知...就越嚟越多人啦~全部坐係地下, 而由我開始個行...就開始變做企位啦!

成晚最開心嘅就係開腳架影煙花喇...







之後因為有張(Pass)證, 所以可以玩到11點...
9點清場後, 只剩返有(Pass)證嘅人在場, 所以可以唔駛點排隊...好快就可以玩一個遊戲
而我就手持相機, 一路行一路影...隻手凍到好似冰咁...
想用飲品coupon換杯熱飲, 點知只可在小食亭換樽裝凍飲...唉~飲咗更加凍!



行行吓見到棵樹掛咗好多燈, 就嘗試用相機影返張唔對焦嘅相玩吓...
哈哈~出嚟個效果我個人幾鍾意!

沿途影吓廚窗嘅擺設, 真係做得幾靚

可惜實在太凍喇~所以唔夠十點鐘都提早就喇.
行出去後, 再次見到個噴水池, 忍唔住再開多一次腳架嚟影多張相...
之後就搭港鐵返屋企啦...

入到車廂感覺好溫暖, 好想快D返到屋企...

相信短時間我都唔會再入去迪士尼玩喇~因為香港嘅真係比其他國家嘅細好多...而且食嘅嘢, 真係好貴, 如果可以好似新加坡環球影城咁...出面可以有一個較為大眾化嘅美食廣場俾遊客選擇, 咁就會好D, 相信亦可以吸引多D人入去玩.

如果想去香港迪士尼玩嘅人士, 不訪可以考慮去工聯優惠中心購買香港迪士尼樂園門票.

帶同會員證到任何一間工聯優惠中心分店購買門票可有以下優惠價：
標準門票(12至64歲):   HK$250 (原價HK$399)
  
小童門票( 3至11歲):    HK$160 (原價HK$285)
長者門票(65歲或以上): HK$85  (原價HK$100)

門票適用於下列指定日期：
2013年2月25日(星期一)至3月3日(星期日)
2013年3月18日(星期一)至3月24日(星期日)
2013年4月22日(星期一)至4月28日(星期日) 數量有限，售完即止！工聯會查詢電話：3652 5700