工聯會中級攝影班(課室內攝影練習)

 昨晚放工後, 即刻趕返屋企攞部相機, 然後去工聯會上中級攝影班. 返到課室後, 大家都好專心地聽Paul Sir 講解, 然後在課室內做練習.
練習影相嘅時間, 真係過得特別快! 以下三個都是在堂上所做嘅練習, 因上堂時間有限, 影出嚟嘅相, 自己都不太滿意...希望搵日得閒可以係屋企再練吓...

這個Q版公仔, 唔講都唔知...竟然係"Eason "

以上擺設都係由一對夫婦(同組同學)所提供, 而這位"龍珠"卡通人物, 同學們都忘記了他的名字...
而我回家後, 隨即上載相片去FB, 不久...就收到朋友嘅回覆, 原來這位卡通人物叫做"薩波", 哈哈~~
更有位朋友說: 這是薩波的"靚仔"樣, 如果佢變身...會變成隻怪物！(我完全唔記得咗! 只記得"布歐"...哈哈~)

後加另一練習...影煙.  最可惜 Paul Sir 無開高級攝影班, 否則全部學生都會報名! 因為佢真係教得好好, 可以係工聯會有咁好嘅攝影導師, 真係難得!