手持相機嘗試影煙花

難得年初二放假, 點知又凍又落雨, 唯有放棄影煙花, 改去太古城影雜技表演, 所以只係攞咗部相機, 冇帶腳架, 就落去太古城, 點知去到先知道...冇表演, 唯有臨時改去西九睇煙花...

嘩~去到圓方仲要行好耐...見到有好多人向同一個方向行...就知道大家都係去睇煙花...行到最入見到有好多龍友, 企咗係一個好有利嘅位置, 有木板做嘅遮蓋...唔怕落雨, 而我...就只有再行後D...企埋上張長椅上, 才可以睇得多D! 最開心係竟然停咗雨, 而明知無帶腳架嘅我, 都忍不住要手揸相機, 試吓影幾張...結果當然係"唔靚喇", 不過...總算係一個好好嘅實習經驗! 哈哈~希望下次再有機會影煙花嘅時候, 天氣會好D喇!!! 因為睇完煙花...手腳都凍到僵晒!