M+博物館

時間過得好快，西九文化區M+ 博物館已經開咗11個月，而我終於得閒可以係9月20日同媽咪一齊入場參觀，真係好開心。

                                       

前往方法都有好多個，而我哋就揀搭港鐵去到九龍站，由圓方商場金區2樓行到去廣場天橋，就已經望到M＋博物館，沿路都有指示牌，由港鐵站行到去M+，路程大約10分鐘就到，非常方便。

去到第一個感覺，整個博物館嘅建築都好特別，有工業風嘅感覺，而且每層都好大嘅空間感，真係值得去慢慢欣賞。

地下大堂有光影銘謝牆，又有展廳、大台階、學舍、M+本店、流動影像中心。B1有餐廳、M+戲院、M+小舖、咖啡廳。

2樓有幾個展廳，其中有個展品，都幾多人排隊進入參觀嘅《清友壽司吧》聽聞係巨額購置，由東京空運到港，值唔值得睇就...見仁見智喇，去到點都望下。

仲有個位於焦點空間，有一個由5個熒幕連串快閃文字，都吸引幾多人影相拍片。

南展廳有個《魚雁計劃》，我揀咗以襌坐姿勢寫信嘅亭子入去寫咗一個心願，俾所有人，希望大家都身體健康！開心簡單。

第一次去行咗3個鐘，都未睇哂所有嘢，於是決定再網上預約多一次，約咗星期二可以無咀多人，參觀完博物館，仲可以行下出面嘅藝術公園，而前往香港故宮文化博物館亦非常方便，不過就要留待下次喇，因為星期二故宮休館。