「墨照」筆墨光影展

前幾日晏晝搭車經過鰂魚涌東祥工業大廈，雖然未到自己原本要去嘅地方，但都落咗車先，走上10樓Space 27睇「墨照」筆墨光影展。



今次展出作品係由以下三位:

常霖法師之光影攝影(利用逆光拍攝)+
青山不墨之書法(展覽名稱亦是參照禪修方法-『默照禪』)+
陳幼堅之圖像語彙(利用日常交流嘅視覺符號)=

結合而成嘅作品，希望帶出正面訊息，每個人都有自己嘅優點及長處，只要搵到合適嘅地方，取得平衡，人人都可以發光發亮。

 無一物

實相無相

 般若

 禪

 如來

 觀

 若夢

 心經

配合現場環境、禪樂及光影，令人可以好舒服及慢慢地觀賞每張作品。

因展期係11月26日至29日，而我亦只係於28號無意間係Facebook見到有此展覽，又咁啱搭車經過，所以真係好好彩及有緣地可以親臨觀賞，

後來12月16日晚，自己一個又走去香港27空間睇徐永進【我，自然】水墨藝術書畫 。

另一邊有陳幼堅【思路】系列，係佢首個家具設計系列。

總結: 雖然兩次都無帶相機，只係用部好舊嘅手機影相，不過都可以影得好開心。😁