水舞間

難得9月尾放兩日閒日, 一於約朋友去澳門行吓, 當我知道"水舞間"四週年, 有個特別優惠, 兩張B區門票合共HK$1000, 就即刻上網訂購咗兩張,  因為驚好似...前幾年咁, 去到買唔到門票, 而後悔!
優惠只限於8月29日至9月30日所訂購之門票, 而此優惠適用於購買9月1日至12月20日之表演門票. ( 需提早三日前訂購!!) 購買門票

而我就訂購咗5點鐘場嘅門票, 原來大約4點40分就已經可以入場坐吓, 影吓相, 入去後發覺入面比想像中細, 就算最平嘅C區, 以及所謂嘅山頂位都可以睇得好清楚.

今次我帶咗Canon 600D 及兩支好少用嘅鏡頭, 70-200mm F4 IS 及Tokina 11-16mm F2.8, 趁未開場就用廣角鏡影張相先, 之後就一直用小小白影, 始終係新手, 所以影得唔好!

當然大部份時間都係放下相機, 用眼去欣賞舞台嘅變化, 高難度嘅水上特技, 精湛嘅舞蹈表演, 電單車特技...等等.

有時用長鏡影影吓相, 突然又好想影吓成個舞台, 但係又唔想再換鏡頭, 唯有用手機代替...
有時真係覺得如果有支鏡天涯鏡可以係10-400mm又輕又平...哈哈哈哈~咁就好囉!

總結: 70分鐘嘅精彩表演, 只收HK$500嘅價錢, 簡直係超值, 絕對抵睇!!