1600熊貓遊香港 - 創意x保育展

繼熊貓坐電車後, 又一盛事, 就係...

終於等到6月25日啦, 今次可以同朋友一齊去中環元創方內睇1600熊貓遊香港-創意X保肓展, 真係好開心!





因為唔駛好似6月21日中環皇后像廣場咁, 落住黃雨, 又要開住把遮, 又想影相, 咁辛苦!

可能因為係第一日公開展覽, 加上又係閒日, 所以入元創方嘅人數唔算太多, 可以慢慢行...慢慢影相, 而且入去嘅市民都好有禮貌, 大家都唔會爭住影相...

值得一讚嘅係場內嘅指示牌, 非常有趣及簡單易明!

就算一個人去都可以利用這塊鏡來自拍,

女士們亦唔需要擔心搵唔到洗手間, 因為每一層都有指示牌.







本身係一座1951年建成嘅已婚警察宿舍, 改造後仍保留咗好多以前嘅特色, 例如: 樓梯嘅鐵欄及圓形窗框...等等.

佢哋分別出現過以下景點:

理工大學

皇后像廣場

維園

沙田馬場

天壇大佛

西洋菜街

海洋公園

紅館

星光大道

金紫荊廣場

天星小輪

香港國際機場 

米埔自然保護區

馬灣

展出咗16隻特別版嘅熊貓, 另外仲有十款香港地標造型嘅熊貓印章, 分別都係擺放於每一層嘅走廊位,

哈哈~我自己就帶咗本簿去印, 如果想靚啲可以買張印章專用集圖$20一張.

今次專程入去係睇熊貓, 估唔到PMQ元創方內有好多好特別嘅商店,

其中一間店, 擺咗部電視, 原來當你企定定, 個頭就會變咗熊貓頭...哈哈~都幾有創意!

而以下這套音響, 無論顏色及音色都非常出色, 店員服務態度又好...真係值得入去睇吓!

最後離開前, 大家都會經過抱抱熊貓區, 只需用八達通付款$20 便可抱熊貓影相留念, 就算唔抱都可以企係度影吓相...

兩小時真係過得好快, 又要同熊貓講bye bye~



睇到有關機構拍攝嘅短片, 真係好羨慕啲明星.
如果有關機構可以帶熊貓去吓醫院探望有病嘅小朋友...咁就更加好啦!