1600熊貓馬灣遊

咁啱6月10日放假, 睇到熊貓會出現馬灣嘅報導, 於是下晝就同個朋友一齊搭港鐵去到青衣, 再轉巴士去馬灣, 一路都唔抱太大希望會見到啲熊貓, 因為我哋都係第一次去馬灣, 又唔知熊貓會放係邊度.

而且落車已經快兩點, 見到FB有人話熊貓係沙灘, 即刻急急腳走去沙灘搵...

見到有好多人圍住, 就知無行錯啦~哈哈~

點知...聽見有人講 "行快啲啦, 開始收啦", 嘩~腳短嘅我...即刻跑過去...

哈哈哈哈~見到咁多隻熊貓...真係開心到係沙灘傻笑...

好彩班義工收得唔算快, 所以我都仲可以影到啲相...

班義工見到咁多人影相...佢哋都忍唔住用手機自拍...

仲好人到攞住熊貓企係度俾人影相,

 值得一讚嘅係...佢哋個個都好有禮貌!

最可惜係2:30就已經收哂, 有好多一家大細趕到...已經無得睇, 因為俾原定嘅時間早收咗...

唉~唯有影...收咗入車嘅熊貓...

如果要睇嘅市民真係要俾公開嘅時間早啲到, 因為快閃真係好快就閃...