哈哈~其實只是歌唱技巧高級班之學期尾歌唱觀摩, 是由鄧民安老師安排兩班互不認識嘅學生, 一個一個上台, 唱一首歌俾導師聽, 最後可以睇評語.
當晚大家都準時到場, 而我第一時間走去睇出場次序...嘩!!! 一睇就已經想暈~~因我竟然被安排係第一個出場...簡直驚到要去求其他同學對調,
真係好慘...就連最有自信嘅同學都唔同我調
, 哎呀~~天呀!!! 我以為我一個細膽...點知原來係冇人鍾意第一個出場唱歌架!!!後來有位在場人員, 細細聲叫我自己改寫次序...
哈哈~心情即刻開心咗好多...但當要入後台準備時嘅心情...真係無法形容...緊張到口乾, 又唔記得歌詞, 唯有走咗出去兩次, 攞水及攞歌詞, 時間過得真係好快...到我出場啦, 我一出去連說話都唔敢講...工作人員唯有開始播音樂, 第一句驚到唱得好細聲, 因驚入錯拍子, 最後才敢放聲唱...唱完又驚到唔識講多謝...最後收花嘅一幕...睇返都覺得好好笑
, 一睇就知我無上台經驗....當我唱歌時, 竟然見到那一位好心之工作人員, 佢竟然坐係鄧sir旁, 有份俾評語...後來才知道佢係琴師(陳sir), 我走去同佢講咗三次"唔該", 最開心係佢竟然話我唱得好聽...
當日有幾位好朋友遠到而來支持小妹...當中有兩個好朋友, 我真係要非常非常之多謝佢哋, 幫我影相及拍短片...
我一定會記得這班好朋友, 可以同佢哋做朋友, 係我嘅榮幸!!!當然我仲要多謝鄭則仁老師 (係佢令到我咁鍾意學唱歌...), 以及資深音樂導師鄧民安老師 (係佢俾咗我哋一班人, 好多次踏上台玩大合唱, 繼而係今次之獨唱嘅機會...), 有時覺得自己真係好好彩, 可以有機會跟兩個好老師學唱歌!!!
仲有三堂, 就會完結歌唱技巧高班課程, 大家都好唔捨得...所以會係最後一堂係班內影張大合照留念...(唉~~最唔想嘅時刻, 最令我傷感嘅場面就快到啦...)
心有同感!推~ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除[版主回覆11/29/2012 22:33:46]
祝福你!感謝分享! . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除[版主回覆11/29/2012 22:33:48]