舊相片已開始變色了

哎呀~見到以前用菲林相機影嘅旅行相片, 開始變色...心情都變得差咗, 唯有以最快及最方便的方法, 即用數碼相機把舊相影下...以便留念!

記得1997年跟團去地中海旅遊, 當時團費比起現在...真係貴好多!!! 近年長線團之收費真係 一年比一年平...有機會一定要再去多一次埃及, 因為真係好宏偉!!!

去到沙漠騎駱駝嘅感覺...真係超正!

第一次去到美國夏威夷, 入境時...發現有好多當地人, 竟然有好多人黑人及白人都識講日文...

第二日, 去睇日軍偷襲之珍珠港..., 令我不得不佩服啲美國人... 特別係當地嘅海關見到日本人, 真係好似見到金咁, 相反見到其他嘅亞洲人就特別嚴格

美國拉斯維加斯---夜晚賭場外嘅燈, 簡直靚到無法形容, 加上有好多表演, 無論酒店內外都有超水準嘅大型表演, 真係好勁!!!

美國大峽谷...當時坐小型飛機睇大峽谷...睇唔夠五分鐘...暈到嘔...一直嘔到落機...最後落機時, 雖然可以攞到張證書...但係就連企都企唔穩...諗起都驚... 發誓以後都唔坐咁細嘅機, 仲要上機前要按重量, 分配座位...仲可能會同友人分開坐...唉~總之就辛苦

美國大峽谷

美國大峽谷

加拿大多倫多尼亞加拉大瀑布...超震撼!!!

加拿大多倫多尼亞加拉大瀑布

加拿大多倫多尼亞加拉大瀑布

加拿大長吊橋

希臘米可諾斯島---渡假一流, 好寧靜, 島上嘅屋, 全部都以白色配藍色 / 紅色窗框和木門...好靚!!!  我好鍾意...

希臘米可諾斯島

土耳其

土耳其棉花堡---泉水含大量礦物, 經過長年累月, 礦物變成了如雪般白的沉積物, 形成了天然如棉花狀之岩層, 有著上千年嘅歷史, 這種溫泉對身體很有益...

希臘

希臘

意大利德維雷噴泉(許願泉), 以前嘅羅馬人離開羅馬前會在此投幣許願, 更為荷里活電影的著名拍攝場地. 池上嘅人馬雕像, 氣勢奔騰, 池水清澈見底. 有朋友問我, 願望有冇實現, 講真都唔記得自己許咩願 (可能係想中六合彩, 不過自己又唔會買, 哈哈~真難攪!)...加上我係講廣東話, 可能佢都聽唔明...

大衛像

澳洲農莊

澳洲農莊

澳洲金礦場

澳洲---近距離企係袋鼠側邊影相, 真係有啲驚...(真係唔明我個妹...佢係ANU讀書時, 點解可以係山上一個人都夠膽追住隻袋鼠!? 真奇怪!!!)

如果再去澳洲...我會再抱樹熊...因為好似毛公仔, 唔郁好乖...

意大利威尼斯

坐貢多拉遊威尼斯時...我發現有好多唱得之人!

法國艾菲爾鐵塔, 全塔高三百零七米, 分三層, 一樓為餐廳, 二, 三樓是眺望台...

梵蒂岡

乘世界首創旋轉360度吊車上" 瑞士鐵力士峰", 上到去見到有好多人在滑雪..而我就玩到出哂汗...

澳洲悉尼

杜拜



馬六甲紅教堂

馬來西亞---水上樂園, 好多時見到超級無敵掌門人取景嘅地方.

中國海南島...人工化嘅靚景, 越來越多, 仲係越嚟越靚, 所以過多幾年再去...都仲可以!!!

布吉島---我唔識游水, 都可以落去玩漫步...感覺好好玩!!!

意大利佛羅倫斯比薩斜塔, 係一座失敗的建築, 係比薩教堂的一部份, 斜塔呈圓柱型, 共有八層, 頂層有一個大鐘, 真正的支撐是內層厚實的牆壁.

英國白金漢宮

中國蘇州

中國蘇州

日本新宿の露宿者...好整齊, 可惜有一陣味...

每一次去泰國, 我最想玩嘅就係燒槍...

以前去旅行, 真係一啲都唔平! 除咗旅費比現時貴起碼一倍外, 有好多國家都要申請簽證才可入境...每次想去旅行, 都要籌備一段頗長時間, 比起現在, 真係麻煩好多...不過我都無後悔...因為旅行真係要趁後生去, 可以行得快啲, 睇得多啲!!! 最緊要係平時慳啲...唔好亂買嘢, 咁就可以去多啲旅行喇...

以前嘅我, 只懂安排與朋友去玩...完全忘記了旁邊嘅親人...幸好前幾年, 突然開始懂事...知道要趁早珍惜身邊嘅親人...所以這幾年都有安排一家人一齊去旅行, 希望可以帶同200分嘅好媽媽去多啲地方玩...以報答佢一直以來對我們嘅悉心照顧!!!