2025 維園中秋綵燈會

 

（2025年10月2日）

放工專登去維園睇中秋綵燈，今次主題係「喜樂 全城」，趁閒日無咁多人嘅時候，可以慢慢欣賞。

由銅鑼灣嘅入口進入維園，入到去就已經睇到今年其中一個亮點，以全運會為題，有今年係香港承辦嘅全運會競賽項目運動造型及吉祥物「喜洋洋」及「樂融融」嘅花燈。

另外今次綵燈會仲融入咗中國傳統哲學嘅五行原素 - 金、木、水、火、土嘅概念設計出嚟。

其中一個亮點係高約12米外型嘅綵燈，行入去睇都幾靚幾特別。

場內仲有燈籠、駿馬、龍舟、竹林熊貓... 等等。

最值得讚嘅係，我發現有啲綵燈係上年用過，今年環保重用，只係擺法唔同咗，令人又有新嘅感覺。

另外同上年一樣，有中秋市集。

行到天后近籃球場位置，可以見到中秋另一盛事，就係大坑舞火龍會於10月6日晚上將10點半舞入嚟維園嘅位置，

今年側邊仲擺咗個可用製作明信片嘅位置，蓋3個印就搞掂，所以我都整咗一張，帶返去留念。

最後祝大家中秋節快樂！最緊要身體健康！