破地獄

（2024年11月21日）

兩姊妹和媽咪一齊去睇戲，今次揀咗睇《破地獄》。睇完之後，覺得套戲好寫實及好有深度，睇到好多唔同嘅家庭及社會問題，包括宗教信仰、同性關係、失去至親後嘅行為等等，搞到我哋都眼濕濕。

今年我睇咗4套嘅港產片，包括《九龍城寨之圍城》、《武替道》、《焚城》及《破地獄》，4套都好好睇，

而《破地獄》散場時嘅氣氛，就有別於另外3套，見到有啲人好似唔想離開座位，就算起身行嘅人都行得好慢、好靜、好似好沉重咁，離開戲院後，見到啲人都仲好回味套戲嘅金句。

我最欣賞套戲嘅其中兩句：「婚禮和喪禮嘅本質都係一樣，只不過係一場Show 」，另一句係「唔止死人要超渡，生人都需要破地獄，生人都好多地獄」 。

睇完戲仲可以過對面街間英皇 O e:ffect Concept Store 睇無出過街嘅海報及劇照展。

上到去，除咗海報劇照，行到最入面會見到架黃色紙紥 Maserati 、

兩位主角嘅心聲及 Hello 文張藤椅，仲有張枱仔擺放咗《破地獄》嘅明信片$20/張、郵票$500/套... 等等嘅紀念品，相信套戲嘅票房好快就會過億！

總結：人生如戲，戲如人生，開心簡單，健康第一，聚散不由人，珍惜眼前人！