中環「逆時車站」

前兩日食完晏散步時經過中環置地廣場地庫時，見到個吉咗好耐嘅舖位（近miu miu 門口扶手電梯落一層嘅左手邊），開咗嚟做展覽場地。

而今次個展覽題材名為「逆時車站」，由3位藝術家（Cope2、Afa Annfa 及 Chino Lam) 合作將場地造成80年代紐約地鐵車站嘅情景。

見到有好多人入車廂影相，而且好多都好有創意，連小朋友都望。

另一邊亦擺放咗幾幅畫作，仲有入閘機及木長椅，亦係好多人影相嘅位置。

今次嘅展期都算長，由3月18日至5月16日，有興趣嘅可以去睇下影下相。

另外位於二樓嘅 JPS Gallery 都有 Cope2嘅獨立展，名為「Following My Path」。

最後行行下商場一樓，見到有個賣蛋糕嘅舖仔，真係要影相俾大家睇下，有創意，價錢仲...哈哈，我真係唔會買囉。😆