鄧麗君珍品展覽

12月1日食完午餐後，行去中環站J出入口，睇下由香港鄧麗君歌迷會主辦嘅「夢縈魂牽鄧麗君」回憶展，展期由12月1日至12月31日。

睇有關報道所講，今次係首次展出約100件與鄧麗君有關嘅珍貴物品，以紀念鄧麗君逝世25周年。

有照片、3張於1998年由地鐵公司推出嘅鄧麗君紀念車票、

一幅由名畫家席德進於1978年所畫嘅油畫、

鄧麗君著過嘅黑白圖案連身裙及1977年新加坡演唱著過嘅藍色衫和長裙、頸鏈、手鏈、耳環、鞋、

唱片封套、鄧麗君微型雕像及其故居模型。

雖然我唔係鄧麗君嘅歌迷，但係經過今次嘅展覽，了解多咗鄧麗君嘅昔日風采。

而今次佢嘅歌迷亦幫咗一個好靜好靜嘅中環站（J出入口），所謂「港鐵藝術」展廊增加咗人氣及色彩。