再見啦~Yahoo! Blog

本來唔鍾意寫Blog嘅我, 唔知點解由2010年3月開始, 鍾意咗Yahoo! Blog...後來仲覺得寫Blog開心過玩Facebook.可惜...今年8月尾收到個壞消息, Yahoo! Blog 於2013年10月30日就會進入全站唯讀模式, 到時所有用戶只可正常瀏覽頁面, 不得進行新增、刪除或修改等動作, 直至等到2013年12月26日Yahoo! Blog 服務正式關閉為止.

而今日我會再次進行備份, 隨即便會進入唯讀模式, 希望今次可以成功完成備份啦~因為前幾日嘅備份檔案內竟然沒有article.xml, album.xml, movable-type.txt, index.html & images folder, 只有images file.



當我等緊Yahoo 嘅回覆期間, 我亦嘗試咗Yahoo! Blog 其中一個指定輕鬆搬家嘅Blog "Xuite 隨意窩", 講真...真係非常方便, 好快...唔駛兩個鐘就已經搬哂所有嘢!

不過..."Xuite 隨意窩" 始終係台灣嘅平台, 好似少咗Yahoo! Blog 嘅親切感!

所以真係好希望今次可以成功完成備份, 然後可以盡快搬去深受Yahoo! Blog 用戶歡迎嘅Google Blogger, 繼續寫吓自己想分享嘅嘢...
最後本人真係好感激所有曾經到訪過嘅朋友們,多謝你哋!!