慶祝朋友生日去港晶Neway 唱K

7月20日, 我再一次揀咗去港晶NEWAY 唱K...慶祝朋友嘅生日, 而我訂房嘅時候已經講咗有朋友生日, 所以當日亦有附送免費蛋糕一個, 而我亦係樓下買咗個東海堂嘅藍莓芝士蛋糕, 嘩~真係好好味呀!
原本得6個人, 所以俾咗間房都比較細...後來加到人數9位嘅時候, 朋友就要求換另一間較大嘅房!

最後竟然俾咗間好大嘅房, 最值得讚嘅係...真係無諗過原來竟然有間房嘅音響可以咁好.
哈哈~可能係之前那間18跑房比較差, 當轉過去12號大房後...就覺得好大分別, 暫時係我去咁多次港晶...最好音響嘅一間房!

至於午餐味道...都尚算可以, 價錢亦非常合理! 今次因為提早一日訂房, 所以都可以由10:30唱到16:00.
最令我欣賞嘅係有幾位男職員, 佢哋嘅服務態度真係好好!
所以我覺得如果有人生日, 又想唱K...港晶Neway 係一個好嘅選擇!