香港漫畫星光大道

前幾日放假， 經過尖沙咀柏麗大道，見到通往九龍公園嘅入口寫住"香港漫畫星光大道"，即刻走上去睇吓。
 
嘩~~原來展出咗24個大約1.8 至3米嘅漫畫角色彩繪雕塑，每座彩繪雕塑的製作費用大約HK$70000，全部係中國製造，再運嚟香港展覽。

有最多人認識嘅老夫子、麥兜、哨牙珍、華英雄、海虎、陳浩南、壽星仔、郭靖、李小龍、13點、王小虎以及我個人覺得最有型嘅步驚雲等等。 

咁啱今日有相機係手，我緊係要影吓相啦。哈哈~仲見到有"馬榮成"嘅親筆簽名😃

  

 

仲見到有好多人， 跟住D雕塑嚟擺Pose影相...

以及仲有10位香港知名漫畫家李志清、上官小寶、王司馬、王澤父子、黃玉郎、小克、李惠珍、馬榮成、劉雲傑、邱福龍嘅銅製手印。