上星期我和七位歌唱班同學一齊唱K, 主要為其中一位女同學慶祝生日, 而我一早10:15 就到達位於尖沙咀安達嘅CEO, 揀CEO嘅原因係貪間房內有洗手間, 以及期待份午餐會好食D.
大約11:30, 兩位同學帶咗位神秘嘉賓嚟...竟然係唱歌班嘅鄭sir~ 嘩~嘩~嘩~攪到我哋好緊張, 走晒音...唔識唱! 哈哈~大家見到Jove 都好開心, 估唔到佢會參加學生嘅生日聚會...仲唱咗幾首歌, 超好聽!!!
今次個聚會最失望嘅係安達CEO 嘅午餐...水準比預期中差好多! 服務態度一般...房又細...嘢又唔好食...唯一比較好食嘅竟然係個蛋糕仔.
因為上星期嘅經驗, 今個星期就改訂尖沙咀港晶Neway 唱K, 今次人數只有6位, 最估唔到...今次間房竟然比起安達CEO 還大, 服務態度及午餐嘅水準都超過安達CEO 好多倍! 仲可以唱到4點鐘...
最後我哋決定下次再有聚會都係去返港晶, 以後都唔去安達...
沒有留言:
發佈留言