越南五天遊

6月放幾日大假, 原本安排咗和唱歌班及攝影班嘅同學一齊去旅行, 報咗(東瀛遊 -下龍灣開心五天團), 可惜到5月30日才知道唔夠人數, 而開唔成團...唯有叫同學走去問其他旅行社, 最後報咗(美麗華-越南胡志明市、頭頓、美拖椰子島五天豪華團).


於6月8日下午乘搭國泰前往胡志明市, 第一個景點係去 Diamond Plaza, 超悶嘅購物中心...之後乘觀光船夜遊西貢河...
第一晚安排於船上夜總會食晚餐...有火美人表演...

睇完表演...行上船上第三層影夜景, 啤~超大風...連企都企唔穩, 好彩都影到相...

跟住前往入住3晚之 MOVENPICK 酒店, 可惜沒有雪糕食...

酒店內有個賭埸, 入去之前要登記及只收美金...

第二天, 去美拖乘坐艇仔遊湄公河...

乘坐地道小舟去椰子島及泰山島, 品嚐特產水果...仲要係任食!

午餐其中一個名為"恐龍蛋"...其實係炸糯米糕...幾特別!!!

天后古廟...導遊仲點咗幾支巨香...佢話幫團友求平安及姻緣...

第三天, 由酒店出發去頭頓時, 架旅遊巴突然冇咗冷氣, 大家唯有開窗, 經商討後...大家都唔想再走回頭路, 寧願向下個景點出發...最多捱一個鐘, 即沿途食足一個鐘嘅塵...前往水果市場等侯轉架靚車...在等候期間...當地導遊為表歉意, 請咗大家任食水果及飲嘢...

後來換咗架29座嘅旅遊車...前往頭之後去耶穌山...

上到頂可以企係膊頭, 每邊最多只可企2-3人, 去到一定要上去睇...因為可以影耶穌側面及頭頓市嘅建築物...感覺好正!

乘坐三輪車遊頭頓, 欣賞海灘及日落...坐足45分鐘 (收費HK$60+指定咖啡錢(小費)最少HK$10), 最討厭係一路踩一路問攞咖啡錢, 仲話要HK$20, 唔收HK$10...最後到酒店門口落車, 導遊同佢哋講咗...佢哋才肯收$10...

黃昏...

酒店露台嘅日出晨光...

嘩~朝早8點鐘, 已經晒到燶...估唔到呾晒, 又冇帶帽, 唯有盡量企係把太陽傘內影相...

行完沙灘, 返上酒店...準備坐車返去胡志明市, 食自費餐!

中午食一個名為"須化-皇帝餐"有好多小食, HK$90 連一杯消暑飲品...嘩~超美味!!!

好好飲嘅綠豆冰

可以燒槍, 以美金計...

第四天自費項目古之地道, 加埋個越式風味餐, 合共HK$190...雖然有些貴, 但都值得入去玩吓! 風味餐就另外安排在夜晚才食...

另一項自費項目, HK$70睇傳統水中木偶戲...

睇完散場...

封路引致勁塞車, 因近中國領事館有反華行動...攪到團友好驚...

前總統府...

賣蘋果仔...

郵政大樓...內外都咁靚!

聖母大教堂...

戰爭博物館, 展示出戰爭嘅破壞, 內更有畸胎之標本...

到處可見嘅電纜...真係影響美觀...

歌劇院...

6月12日晚於胡志明市等候乘坐國泰返港, 今次旅途總算愉快, 天氣比預期中好!!!

團友個個都好好人, 住宿及膳食都算不錯, 旅遊車比較細!!!

而導遊整體表演算是合格, 令人滿意, 至於香港領隊就...