預祝大家2026新年快樂

嘩~今年時間真係過得好快好快！仲有唔夠24小時就2026年喇，2025真係好忙，唔得閒寫 blog 。

就趁2025年最後一日，補返10月尾經過添馬公園海濱長廊影嘅「維港海上大巡遊」幾張相先，有 Labubu、滑嘟嘟、Elmo 及多啦A夢，四個巨型充氣雕塑。

原本聖誕節想去睇燈飾，可惜都係唔得閒，要返工，好彩11月尾經過中環遮打道時，都影咗幾張相，都叫做睇過下聖誕裝飾。

暫時未知除夕夜會唔會出街睇倒數，不過點都好，預祝大家2026新年快樂！