第十五屈全國運動會沙灘排球測試賽

（4月18日）

復活節假期，港人好多都坐車北上旅遊，而我就揀咗留港休息，晏晝就帶媽去維園睇沙灘排球。

雖然今日天陰有陣雨，不過點都無阻我嘅好奇心，因為我未見過維園嘅足球場變成沙灘排球場地，所以點都去睇下。

去到維園見到好多義工人員，而且個個都好有禮貌，入場前需要做安檢，

之後行去上主場觀眾席坐低睇小組賽事，原本諗住只係睇一睇就會離開，點知場內有音樂聽，座位又新又乾淨，

運動員又打得精彩，於是我亦叫我妹即埸登記攞入埸劵進場，3母女都覺得好睇，所以一坐就坐咗近3個鐘。

總結：沙灘排球測試賽第一日嘅流程都好順暢，場地設施都整得唔錯，保安亦做得好好，無入場券嘅可以現場用身份證登記取入場劵一張，免費入場。維園交通方便，如果唔係落雨，一定會更加多人入場，更加熱鬧。