1314容祖兒演唱會

2013年我最欣賞嘅演唱會, 就係1314容祖兒演唱會, 佢真係又唱得又跳得, 而佢好聽嘅歌, 真係多到數唔哂! 

所以唔駛請嘉實, 由佢自己一個唱足全埸都無問題!

而今次舞台設計亦比我想像中特別,

其中一段祖兒著住孕婦裝扮大肚, 攪到我都以為佢大咗肚...哈哈~

 

 

之後見到佢操到咁fit就知唔係大肚啦~
而今次大膽構思嘅服裝原來係來自YY"黃偉文"嘅設計, 真係唔錯! 幾靚!  

 另外應記一功嘅就係一班黑人舞蹈員, 佢哋真係跳得好勁好精彩!! 

 

估唔到今次演唱會台上竟然會出現一班著住T-back嘅男Dancer, 令到班女觀眾狂叫...

而我發覺手機真係可以取代DC地位, 哈哈~~睇演唱會最多人用嚟影相拍片嘅就係手機啦!

開心好睇嘅演唱會...總令人感覺時間過得特別快嘅, 真係聽到最後...都唔捨得走, 而病緊嘅我亦一直支持到完場, 由20:15一直睇到23:35.