太古城健力士世界紀錄大開眼界

原來8月9日至8月26日, 太古城中心有健力士世界紀錄大開眼界, 除咗有健力士世界紀錄者嘅表演之外...現場仲有一個以鱷魚為主題嘅3D地畫.

係由中國首位3D繪畫藝術家齊興華所創作, 佢曾經四度打破健力士世界紀錄...所以我覺得家長們, 如果得閒好應該趁暑假帶小朋友去睇吓!

而我好好彩8月9日放假行太古城, 咁啱睇到6:30 pm嘅表演...「世界搖搖冠軍」鈴木裕之, 以及6:45 pm嘅「Breakdance彈簧組合」(Benedikt Mordstein、Vitali Kirsch、Saretzki Mike), 兩個表演都好精彩.

所以8月12日我又再去多次...而兩次揀嘅企位...都係唔同層數, 係因為想係唔同嘅角度睇...結果都係好正...仲要係免費!!