廣州番禺長隆兩天遊

2011年4月9日早上, 我和家人由中港碼頭搭船出發去廣州連花港...(其實我好怕坐船, 所以我在出門口之前, 食咗一粒"浪途適", 即係暈浪丸...) 哈哈~上到船就...

今次係我第一次坐上層嘅VIP房...真係幾舒服...仲要可以自己攪電視機嘅大細聲...

大約坐兩小時船, 便到達連花港, 再坐約30分鐘車, 就到達咗長隆渡假酒店, 攞房後隨即坐車去香江長隆動物園...

乘搭免費嘅小火車遊覽多種野生動物...

如果自己駕車仲正! 因為人和動物可以親密交流, 仲可以親手餵養動物...

長頸鹿

樹熊

好彩之前有位朋友講咗, 叫我睇白老虎表演時, 一定唔可以坐咁前...否則有機會被老虎嘅小便...射到全身濕晒! (嘩~估唔到...我真係睇到白老虎向住觀眾射尿...真係好多...仲射到好遠! )

動物園的營業時間是早上9：30~17：30, 跟住就去食晚餐, 再去睇長隆國際大馬戲, 因不設劃位, 所以我和家人一早便去排隊入場, 希望可以坐到靚位, 可惜去到第二個閘...當要攞入場門票檢查時...才發覺...遺失了三張門票...雖然手腕上仍然繫住條帶...但工作人員堅持要(門票+手帶)不可缺一, 方可入場! 而馬戲入場門票人民幣180一張...嘩~超唔開心呀!!! 因為自己唔小心...去到又唔可以唔睇...最後唯有買咗三張黃牛飛...再排隊入場, 入到去啱啱開始...而位置就已經..., 最後自我安慰, 慶幸唔見嘅唔係證件, 如果唔係就仲慘!!!

睇完表演, 行返去酒店, 十分方便!

設計特別, 可以容納好多旅客之酒店接待處

返到上房第一時間攞宵夜, 哈哈~係一早訂咗人民幣80元嘅煨雞一隻...真係好香好好味!!!

第二朝一定要早起身, 落去食早餐!

食早餐仲有白老虎陪...哈哈~

酒店自助豪華早餐...超正!!!!!

估唔到酒店內有一部唱K機!

酒店旁便是現時世界上最大最先進最多遊樂項目的超級水上樂園佔地面積近40萬平方米, 不過要4月28日才會重開!

酒店內都有不少動物, 而我最鍾意係鸚鵡!!!

酒店門外, 有好清晰嘅接駁車時間表...

最後坐車去連花港, 再坐船到港澳碼頭. 一個兩天廣州香江野生動物世界遊, 就此完滿結束!