學唱歌

因為我一直都好鍾意去唱， 但又覺得自己唱得唔好聽，最後於2009年1月報了一個工聯會嘅卡拉OK班，希望可以練膽量及唱吓歌。

當第一堂上課時，導師自我介紹時， 佢寫上名字 "鄭則仁 Jove" ， 我便認出...佢係一個曾經於唱歌比賽得過獎嘅人! 

起初我報讀卡拉OK班，諗住最多只玩一兩期，點知越玩越唔想停，因鄭sir 除咗唱歌好聽之外，還很用心地教導所有學生，真難得! 後來佢，只在自己的荔枝角中心教唱歌，而我居住及工作都在港島區，若要去到荔枝角學唱歌，車程實在太遠啦~ 唯有向鄭sir 道別。

而鍾意唱歌嘅我，好想繼續學唱歌，唯有報了工聯會嘅唱歌技巧初班，地點方便! 當第一堂上堂時，才知人數有70人及有兩位資深音樂導師教授唱歌技巧，一直學到高班人數才剩下約30人 (因人數太多，想獨唱及攞導師之評語，就只有等到學期尾之班內歌唱觀摩啦)

2010年1月，即幾個月後，實在忍唔住...好想再唱歌及聽取專業導師之評語，結果我唯有辛苦D，收工後趕去荔枝角跟鄭sir學唱歌...

因佢每堂講完唱歌技巧後，都會讓每位學生至少唱一首歌, 然後會很用心地指出問題所在，而佢每班都不會收太多學生，以便指導每位學生之進度，至於課程及時間之選擇都有很多， 收費都算合理!

以及定期舉辦歌唱觀摩，迷你音樂會和聯歡晚會，而我最開心係有幾位鍾意唱歌嘅朋友，都跟我一齊轉咗去跟鄭sir學唱歌，而佢哋都進步咗好多，大家都學得好開心!